காலம் என்றொரு

காலம் சத்தமின்றி
என்னை சிறுக சிறுக
விழுங்கிக் கொண்டிருக்கிறது.
மலை பாம்பின்
மழை கால இரை போல்.

யானரிந்த சொற்கள் யாவும்
உருமாறிவிட்டன.
தலை - வழுக்கை
வயிறு - தொப்பை
சோறு - சர்க்கரை

home work - over time
பாம்பின் பசி கருணையற்றது.

இரைகளிடம் இரக்கம் காட்டுவதில்லை

ஆனந்த குயில் பாட்டு

புதிதாய் குடியேறிய வீட்டின்

பழைய மர நாற்காலியை

தட்டி தட்டி பார்த்தேன் -

சத்தமாய் கேட்டது...

மரமாய் நின்ற போது

கூடு கட்டி வாழ்ந்த குஞ்சுகளின்

ஆனந்த குயில் பாட்டு.

கடைசி கோப்பை மது

அடித்து நொறுக்கப்பட்ட எங்கள் வீடுகளுக்காக

இந்த கோப்பையை உயர்த்துகிறேன்.

வேதனை மிகுந்த வாழ்வுக்காக,

வலி மிகுந்த மேனிக்காக,

காட்டி கொடுத்த தோழர்களின்-

பொய் உறைந்த இதழ்களுக்காக,

இரக்கமற்ற உலகுக்காக, மேலும்

காக்க மறந்த அனைத்து கடவுளுக்காகவும்

கடைசி கோப்பை மதுவை உயர்த்துகிறேன். சியர்ஸ்..

- அன்ன அக்மதொவ் (1889 - 1966)

ரஷ்ய கவிதாயினி

விருந்து

வர தட்சனை தந்து செய்யப்படும்
திருமணத்தின் விருந்தில் பரிமாறப்படுகிறது
பெண்ணை பெற்றவனின்
ரத்தமும் சதையும்.

குளம்

நிலாவில் குளம்
இருக்கிறதா?-தெரியாது.
என் ஊர் குளத்தில் நிலா இருக்கிறது.